Persönlicher Beschreib:
Hallo zäm
Ich bi die Désirée und chum usem wunderschönen Lötschental. (daruf bin ich mega stolz) Also eppis uber mich z'verzeln ischt zimlich schwer.. Mini Liäblingsmuisig ischt Jazz, Pop und Brass Band. Ich schpilun in zwei Bands, in der Brass Band Rhodan und in ischer Dorfmuisig Minerva. Wä so zimlich jedä Mänsch sing ich scho sit Ewigkeitu, under der Dusch oder eifach so ver mich. Will ich aber nuch meh ha weln sing und nid numa so ver mich älleinig, han ich vor 4 Jahru än Klassischi Gsangsuisbildung angfang. Z'letscht Jahr han ich euch im Nationalen Jugendchor va der Schwiz mitgsung. Jetz fregäd ä sicher was ich bruäflich machä? Tja, ich schaffu ufem Tourismusbüro z'Wilär. Also wiä er jetz heid gläsen, machun ich in miner Friziit fascht nur Muisig... Fascht, ich ha nämlich scho sit langer Ziit min Schatz in Rudolf und mid däm verbring ich de oich mini Friziit und dia wa ich eigentlich nid frii hetti..;-) Ja und suscht han ich eigentlich nigs z'verzeln. |